ЭКИ МЕКТЕПТИН ОКУУЧУЛАРЫ МУШТАШТЫ

Кара-Суу районунда 9-класстын окуучулары мушташып, бир окуучу ооруканага түштү. Булактардын айтымында, 20-январда Каратай айылындагы мектептин 9-класстагы окуучулары менен Ак-Жар айылындагы мектептин 9-класстагы окуучулары мушташкан.

Бул маалыматты Каратай айылындагы А.Султанов мектебинин директору Нурмамат Асанов тастыктап, жабырлануучу ооруканада экенин билдирди. Ал эми Ош ОИИБдин басма сөз кызматы 3-4 окуучунун ортосундагы талаш чырга айланып, анын кесепетинен 1 окуучу ооруканага түшкөнүн билдирди. Учурда териштирүү иштери жүргүзүлүп жатат.