ЧАМДАГЫЛА, ЧҮЙЛҮК ЖАШТАР!

  • 19.08.2021
  • 0
ЧАМДАГЫЛА, ЧҮЙЛҮК ЖАШТАР!

Эгемендиктин 30 жылдыгына карата КР Президентинин Чүй облусундагы ыйгарым укуктуу өкүлүнүн кубогу ойнотулат. Кант шаарындагы Абдыш ата стадионунда өтө турган бул иш-чарага чүйлүк жаштар футбол, кол күрөш, аркан тартыш ж.б. спорттун түрлөрү боюнча күч сынай алышат.

Президент С.Жапаровдун «Инсандын руханий-адеп-ахлактык өнүгүүсү жана дене тарбиясы жөнүндө» Жарлыгына ылайык өткөрүлө турган мелдеш көп улуттуу элибиздин ынтымагын арттыруу максатын көздөйт. Майрамдык иш-чарага жумшалчу каражатты Президенттин Чүй облусундагы ыйгарым укуктуу өкүлү Эркин Тентишев көтөрмөкчү.  Эскерте кетсек, ага 5 млн сом каралган.

Спорт күйөрмандарын оюнга катышып, мыктыңар баш байге – автомашинасын утуп алуу мүмкүнчүлүгүнө ээ болгула!

Айнагүл Кашыбаева,
“Кут Билим”

Бөлүшүү

Комментарийлер