ЧҮЙ – ТОКМОК: РЕСПУБЛИКАЛЫК ОЛИМПИАДА

2024-жылдын 18-19-январында Токмок шаарынын №1 жана №5 орто мектептеринде 12 предметтен Чүй-Токмок билим берүү бөлүмүнө караштуу орто мектептердин 10-11-класстары үчүн Республикалык олимпиаданын 2-туру өтүп жатат.

2024-жылдын 18-январында эртең мененки саат 7-00дө Кыргыз Республикасынын Билим берүү жана илим министрлигинен 12 предметтик олимпиаданын тапшырмалары электрондук түрдө кабыл алынган.

Бардык тапшырмалар саат 9-00гө чейин окуучулардын санына карата даярдалып атайын папкаларга салынып бекитилди.

Олимпиаданы ачуу салтанатына Токмок шаарынын мэринин орун басары Туратбек уулу Алишер катышып, окуучуларга куттуктоо сөзү менен кошо ийгиликтерди каалады. Саат 10-00до окуучулар окуу кабинеттерине жайгашып, олимпиадалык тапшырмалар таратылып иштеп башташты. Бүгүн олимпиаданын 2-күнү өтүп жатат. Эки күндүн  тапшырмаларынан кийин, бүгүн кечинде  жыйынтык чыгарылат.

Гүлнара АЛЫБАЕВА, “Кут Билим”