​Бишкекте «Мугалим – өзгөрүүнүн өзөгү» аттуу республикалык форум өтүүдө

БИШКЕК, 29-июнь. Бүгүн борбор калаадагы  «Ololo Planet» борборунда Мугалим – өзгөрүүнүн өзөгү» аттуу педагогдордун республикалык форуму өз ишин баштады.

​Иш-чара Кыргыз Республикасында «Алтын Казык» программасынын негизинде 12 жылдык билим берүүгө өтүү реформасынын алкагында аткарылган иштердин жыйынтыгын чыгаруу максатында уюштурулду.

​Форумдун алкагында билим берүү тармагындагы актуалдуу маселелер талкууланып, алдыңкы педагогикалык тажрыйбаларды жайылтуу жана инновациялык идеялар менен бөлүшүү боюнча иштер жүрүүдө. Иш-чара педагогдордун кесиптик деңгээлин жогорулатууга багытталган маанилүү аянтча катары бааланууда.

Нурлан КЫДЫКОВ, «Кут Билим»