БИЛИМ БЕРҮҮ ЖАНА ИЛИМ МИНИСТРИ НАРЫНДАГЫ АВАРИЯЛЫК МЕКТЕПКЕ БАРДЫ

  • 14.10.2019
  • 0

БИЛИМ БЕРҮҮ ЖАНА ИЛИМ МИНИСТРИ НАРЫНДАГЫ АВАРИЯЛЫК МЕКТЕПКЕ БАРДЫ

Билим берүү жана илим министри Каныбек Исаков жумуш сапары менен Нарын облусунда болду.

Алгач министр Нарын районуна караштуу жайгашкан Казаалы Абиров атындагы орто мектебине барды. Кырдаалга карата түзүлгөн шарттар менен таанышып, жаңы мектеп салына турган жер аянтын көрүп, курулушту тездетүү боюнча мүмкүнчүлүктөр караларын белгиледи.

Жолугушууда министр мектеп жамаатына окуу процесске колдонуу үчүн 4 ноутбук, окуучуларга пайдалуу окуу жана адабий китептерди белекке берди.

БИЛИМ БЕРҮҮ ЖАНА ИЛИМ МИНИСТРИ НАРЫНДАГЫ АВАРИЯЛЫК МЕКТЕПКЕ БАРДЫ

Ошондой эле октябрдан тарта мугалимдердин айлык акысы 30%га көтөрүлгөндөн кийин К. Абиров мектебиндеги ар бир педагог канча маяна ала турганы боюнча да маалымат берди.

Бул мектепте жалпы 162 окуучу билим алат. 21 мугалим жана 8 көмөкчү кызматкер эмгектенишет.

Андан кийин министр Нарын шаарындагы №87 кесиптик лицейге барды. Окуу процесси, окуучулардын сабакка катышуусу, окуу өндүрүштүк базасы, лаборотария, цех, окуучулардын тамактануусу менен жеринде таанышып, мугалимдер менен пикир алышты.

БИЛИМ БЕРҮҮ ЖАНА ИЛИМ МИНИСТРИ НАРЫНДАГЫ АВАРИЯЛЫК МЕКТЕПКЕ БАРДЫ

Билим берүү жана илим министрлигин басма сөз кызматы

 

 

Бөлүшүү

Комментарийлер