БИЛИМ БЕРҮҮ ЖАНА ИЛИМ МИНИСТРИ Б. КУПЕШЕВГЕ КЫЛМЫШ ИШИ КОЗГОЛГОНДУГУ ТУУРАЛУУ БИЛДИРҮҮНҮ ТӨГҮНДӨӨ

Кыргыз Республикасынын Билим берүү жана илим министрлиги Reporter.kg маалымат агенттигинин Купешев Болотбек Душековичке кылмыш иши козголгондугу тууралуу билдирүүсүн (https://reporter.kg/ru/bilim-beryy-ministri-kupeshovgo-kylmysh-ishi-kozgoldu/) төгүндөйт.

«Билим берүү жана илим министри Болотбек Купешевге кылмыш иши козголду» деген маалымат чындыкка дал келбейт.

«Массалык маалымат каражаттары жөнүндө» Кыргыз Республикасынын Мыйзамынын 17-беренесине ылайык, министрлик Reporter.kg маалымат агенттигинен чындыкка дал келбеген, Б. Душековичтин ар-намысына көө жапкан, элге жар салынган билдирүүнү төгүндөөнү талап кылат.

Ошону менен бирге министрлик редакцияга жалган маалыматты атайылап элге жар салуудан карманууну сунуштайт.

КР БИМ басма сөз кызматы