“БАЛАЖАНДЫН” ОНЛАЙН АЯНТЫНДАГЫ ЖОЛУГУШУУ

Республикабыздагы мектеп директорлору жана мектептен тышкаркы кошумча билим берүү уюмдарынын жетекчилери “Балажан” республикалык борборунда өткөн кеңири кеңешмесине катышты.

Борбордун коомчулук менен байланыш адиси Алтынбек Асаналиев билдиргендей, аралыктан өткөн кеңешменин катышуучулары балдарга кошумча билим берүүдөгү жаңы долбоорлорду, пландарды жана идеяларды талкуулоо менен бирге, балдардын өз идеяларынын үстүндө иштөөгө кызыгуусун кантип сактоо керектиги, баланы аралыктан окутуу шартында анын жеке ийгиликтерин камсыздоого кандай креативдүү мамилелер мүмкүнчүлүк берерин жана башка көптөгөн маселелерди чечүү жолдорун талкуулашты.

А.Кашыбаева,
“Кут Билим”