Айсулуу Тыныбекова Poddubny Wrestling League бешинчи турнирине катышат

Айсулуу Тыныбекова «Поддубный күрөш лигасынын» («Poddubny Wrestling League») бешинчи турнирине катышат.

Турнир 29-июлда Россиянын Владикавказ шаарында уюштурулат. Тыныбекова 62 кг салмакка чейинки категорияда орусиялык балбан Алина Касабиева менен күч сынашат. Касабиева — юниорлор арасындагы дүнө жана Европа чемпиону, «Поддубный күрөш лигасынын» 4 жолку жеңүүчүсү.

Тыныбекова менен Касабиева буга чейин Венгриянын Будапешт шаарында рейтингдик турнирдин ¼ финалында беттешкен. Анда Тыныбекова Касабиеваны жеңген.