АТ-БАШЫДАГЫ МЕКТЕП КУРУЛУШТАРЫ ИЙГИЛИКТҮҮ ЖҮРҮҮДӨ

Ат-Башы районунун башчысы-аким Э.Абдыкадыров Баш-Кайыңды айыл өкмөтүнө караштуу Өзгөрүш айылынын С.Раимбеков атындагы мектептин спорт залынын курулуштары менен таанышып, курулуш иштери сапаттуу бүтүп, ийгиликтүү жүрүп жаткандыгына ынанды.

Ат-Башы райондук мамлекеттик администрациясынын басма сөз кызматынын маалыматы боюнча,    ал Большевик айылындагы А.Табалдиев атындагы орто мектебинин курулушун көрүп чыгып, ушул айдын аягына ачуу керектигин тапшырып,  тиешелүү тапшырмаларды берди.

Ошондой эле Баш-Кайыңды айыл өкмөтүнүн КААБлору  менен жолугушуп, алардын жаштарга берген акыл насааты,  коомдогу орду маанилүү экенин баса белгилеп, мындан ары колго алууну күчөтүү керектигин белгиледи.

Гүлнара АЛЫБАЕВА, “Кут Билим”