АМЕРИКА ЫР СЫНАГЫНЫН ФИНАЛЫНА ҮЧ КАТЫШУУЧУ ТАНДАЛДЫ

«American Song Contest-2024» сынагынын финалына Акмарал Тутанбекова, Эмир Жолдубаев жана Эркайым Абыкеева өттү.

15-майда Кыргыз Республикасында он төртүнчү жылы өткөрүлүп жаткан музыкалык сынактын жарым финалы өткөрүлдү. Жарым финалда 9-11-класстын 25 окуучусу америкалык ырларды англис тилинде аткарышты.

Бул жылы конкурска катышуу үчүн 958 арыз келип түшкөн. Финал 28-июнга белгиленген.