Аламүдүн районунун Арашан капчыгайында россиялык жаран парапландан кулады

Аламүдүн районунун Арашан капчыгайында россиялык жаран парапландан кулады. Бул тууралуу Өзкөчө кырдаалдар министрлигинин басма сөз кызматы билдирди.

Мекеменин маалыматына ылайык, кечээ түнкү саат 23:55те 48 жаштагы киши параплан менен учуп баратып кулаганы тууралуу ӨКМге маалымат түшкөн. Жерине издеп-куткаруу иштерине ӨКМдин Чүй облустук башкармалыгынын офицери Улан Абдраимовдун жетекчилиги менен Аламүдүн райондук ӨКБдан 4 куткаруучу чыккан.

Куткаруучулар жабыркаган кишини бүгүн эртең менен тоодон алып түшүп, «Тез жардамга» өткөрүп беришкен.