Акылбек ЖАПАРОВ: “КЕСИПТИК ЛИЦЕЙЛЕРДИН МУГАЛИМДЕРИНИН БИЛИМ ДЕҢГЭЭЛИН ЖОГОРУЛАТУУ КЕРЕК»”

КР Министрлер кабинетинин төрагасы Акылбек Жапаров бүгүн Бишкекте өтүп жаткан Билим берүү жана илим министрлигинин жылдык отчеттук коллегиясында кесиптик лицейлердин мугалимдеринин билим деңгээлин көтөрүү зарылдыгын айтып, министр Догдуркүл Кендирбаевага бир катар тапшырмаларды берди.

• Биз мектеп менен алышып жүрө берип кесиптик лицейлер четте калып калыптыр. Директорлук кызматка сынакка 138 адам катышса, анын болгону бешөө өттү. Алар элементардык суроолорго жооп бере албай калышууда. 25-30 жылдан бери булар балдарга эмнени үйрөтүп жатты деп таң каласың. Ошондуктан бул жерде дагы министрлик тез аранын ичинде баардыгын ордуна келтирип беришиңиздер керек, — деди А.Жапаров.