Квадраттык үч мүчөнү көбөйтүүчүлөргө ажыратууда алгебра менен геометриянын интеграциясы

Сабактын максаты:

Билим берүүчүлүк (STEAM): Окуучулар квадраттык үч мүчөнү көбөйтүүчүлөргө ажыратуу формуласын колдонууну үйрөнүшөт. Абстракттуу алгебралык теңдемени конкреттүү геометриялык аянтка айландыруу аркылуу визуалдаштырышат.

Көрсөткүчтөр: Квадраттык теңдеменин тамырлары менен анын көбөйтүүчүлөрүнүн ортосундагы логикалык байланышты түшүнүшсө жана алгоритм боюнча мисалдарды катасыз чыгара алышса.

Өнүктүрүүчүлүк: Окуучулардын инженердик-архитектуралык ой жүгүртүүсү, мейкиндикти элестетүүсү жана математикалык моделдерди турмушта колдонуу көндүмдөрү өсөт.

Көрсөткүчтөр: Абстракттуу алгебралык туюнтманы (квадраттык үч мүчө) конкреттүү геометриялык фигурага (тик бурчтуктун аянтына) айландыруу аркылуу математикалык логикасын тереңдетишсе.

Тарбия берүүчүлүк: Топто биргелешип изилдөө жүргүзүүгө, бири-биринин пикирин сыйлоого жана жоопкерчиликтүү чечим кабыл алууга тарбияланышат.

Көрсөткүчтөр: Математикалык билимдердин турмуштук кырдаалдарда (курулуш, дизайн, пландоо) маанилүүлүгүн сезип, сабакка болгон кызыгуусу жана ишеними пайда болсо.

• Сабактын тиби: Жаңы билимди өздөштүрүү сабагы.
• Сабактын форматы: STEAM-практикум (Изилдөө сабагы).
• Жабдылышы: «Алгебралык конструктор» топтомдору (жагы х ка барабар болгон чоң квадраттар,  тик бурчтуктар жана  бирдик болгон кичине квадрат плиткалары)

САБАКТЫН ЖҮРҮШҮ:

1. Уюштуруу: (5 мүнөт)

Саламдашуу, «Математикалык пазлдардын» жардамы менен окуучуларды «Комуз», «Боз үй», «Көөкөр» топторуна бөлүү. Үй тапшырмасы слайд аркылуу өз ара текшерилет. Мээге чабуул жасоодо «Тамырларын тап» оюну ойнотулат.

1. Кызыгууну ойготуу (STEAM-кырдаал) (5 мүнөт)

Мугалим: «Балдар, Конфуций айткандай: “Мага айтып берсеңиз — унутуп калам, жазып көрсөтсөңүз — эстеп калам, ал эми өзүм кол менен жасасам — өмүр бою түшүнөм”. Бүгүн биз кургак формулаларды кол менен кармап, фигурага айлантабыз!

Маселе: Мектеп бакчасына аянты  болгон гүлзар жасайбыз. Тосмо сатып алуу үчүн анын узундугун жана туурасын кантип табабыз? Бул бүтүн туюнтманы узуну менен туурасынын көбөйтүндүсү түрүндө кантип көбөйтүүчүлөргө ажыратабыз?»

Изилдөө: Геометриялык конструктор (10 мүнөт)

Ар бир топко картон плиткалар берилет. Тапшырма: бөлүктөрдөн боштуксуз бир бүтүн тик бурчтук куруу.

Математикалык далилдөө (10 мүнөт)

Мугалим доскага аналитикалык формуланы киргизет:

STEAM-Кейстер менен иштөө (10 мүнөт)

Топтор улуттук жана турмуштук кырдаалдагы маселелерди конструктор жана формула менен чечишет:

Китептен №632 мисалдар өз алдынча чыгарылат.

Санариптик баалоо жана рефлексия (5 мүнөт)

Окуучулар уюлдук телефондору аркылуу «Санарип кампа» платформасында онлайн тест аткарышат (stem.edu.gov.kg).

Рефлексия: 1. Мага эң кызыктуу болгону… 2. Дагы эмнени үйрөнгүм келет?

Үй тапшырмасы: Деңгээлге жараша дифференциацияланып берилет (№634 же №635, №636).

Жыйынтыктоо. Упайлар боюнча «Эң билимдүү», «Эң ынтымактуу», «Эң чыгармачыл» топтор аныкталат.

Мугалим: «Бүгүн ката кетирген окуучу — эң тажрыйбалуу окуучу. Анткени ал катасы аркылуу туура жолду тапты. Ар бириңер өзүңөрдүн “билим гүлзарыңарды” тиктиңер!»

Абдирайимова Каныкей, Бишкек шаарындагы Ленин районунун

№50 жалпы  билим берүү мектебинин математика мугалими