ДОСКО ЖАРДАМ БЕРҮҮ, БИРИ-БИРИНЕ УРМАТ МЕНЕН МАМИЛЕ КЫЛУУ

Ангемелешүүнүн багыты: доско, жоро-жолдошко, классташтарга жакшы мамиле кылуунун мааниси. Достун каны башка, жаны бир…

Максаты:  Достуктун жана жоро-жолдош күтүүнүн маанисин түшүндүрүү..

Негизги багыт: Достук – бул адамдардын бир-бирине болгон ишенимине, сый-урматына жана жардамдашууга негизделген жакын мамиле.

Дос – кубанычыңды жана кайгыңды тең бөлүшкөн адам. Достошуу – бул бири-бирине жардамдашуу, адамдардын биримдиги, бири-бирин түшүнушү жана тынчтыкта жанаша жашоосу.. .

Практикалык иш:  Дос, жолдошчулук, досуна кам көрүү, жардам берүү жөнүндө макал-лакаптар айтылып, талкуу жүрөт..

Сабактын тиби: чыгармачылык бышыктоо.

Сабактын максаты:

• Окуучуларды достукка, жардамдашууга тарбиялоо;
• Бири-бирине урмат менен мамиле кылууну үйрөтүү
• Жакшы жана жаман жүрүм-турумду айырмалоого көнүктүрүү

Милдеттери:

• Окуучуларга достук, жардамдашуу түшүнүгүн түшүндүрүү
• Боорукердикке, кайрымдуулукка тарбиялоо
• Класста ынтымактуу, достук мамилени калыптандыруу
• Өз ара жардам берүү адатын өнүктүрүүКеректүү каражаттар:Сүрөттөр, карточкалар, смайликтер, жомок же кыска окуяСабактын жүрүшү:
  1. Уюштуруу бөлүгү (2-3 мүнөт):
  • Саламдашуу. Саламатсыңарбы балдар.
  • Окуучулардын маанайын сурап билүү
  • Жылмайуу оюнун ойноо (балдар бири-бирине жылмайышат)                                                                                                                                                                                                                                        2.Киришүү (5 мүнөт):
  • Мугалим суроо берет:
    • Балдар, дос деген ким?
    • Силер досуңарга жардам бересиңерби?

    Балдардын жооптору угулат.                                                                                                                                                                                                                                                                                                           3. Негизги бөлүк (15 мүнөт):

    Достук деген эмне? Достук – бул адамдардын ортосундагы байланыш. Адамдардын сезимдери, жардам берүүгө дайым даярдыгы.

    Кыска жомок:
    Бир күнү Жаныбек  аттуу бала мектепке келе жатып, досу Азаматтын сумкасы жыртылып кеткенин көрөт. Китептери жерге түшүп калат. Жаныбек дароо жардам берип, китептерин чогултуп берет. Азамат абдан кубанып: “Рахмат, сен чыныгы дос экенсиң!” – дейт. Ошондон кийин алар дагы да жакын дос болуп калышат.

    Талкуу:

    • Айбек кандай бала экен?
    • Азамат эмне үчүн кубанды?
    • Биз досубузга кандай жардам бере алабыз?
  4. Оюн (5-7 мүнөт):

  “Жакшы же жаман?” оюну
  Мугалим ар кандай аракеттерди айтат:

  • Досуңду түртүп жиберүү
  • Досуңа китебин көтөрүшүп берүү
  • Саламдашуу
  • Урушуу

  Балдар “жакшы” же “жаман” деп жооп беришет.

  Достукка пайдалуу жеке сапаттар:

  • — Чынчылдык, ачыктык;
  • — Тилектеш, ортоктош болуу;
  • — Уга билүү
  • — Өзүңдүн катачылыгыңды моюнга ала билүү;
  • — Кеңештерди кабыл ала билүү;
  • Сырларды сактай билүү.
    5. Жыйынтыктоо (5 мүнөт):
    • Балдар, бүгүн эмнени үйрөндүк?
    • Доско жардам берүү эмне үчүн маанилүү?

    Жыйынтык:
    Доско жардам берүү – бул жакшы сапат. Биз бири-бирибизди сыйлап, жакшы мамиле кылсак, классыбыз ынтымактуу болот.

    6. Үй тапшырма:
    • “Мен досума кандай жардам берем?” деген темада сүрөт тартуу

    Бермет Алымбаева