Чынгыз Айтматовдун “Бетме-бет” повестин бышыктоо сабагы. Сейденин образы

КОНОКБЕК КЫЗЫ ГҮЛМИРА, Нарын областындагы Жумгал районунун Жумгал айылынын Мыскал Өмүрканова атындагы орто мектебинин кыргыз тили жана адабияты мугалими

Кыргыз адабияты,  7-класс

Сабактын максаты: “Бетме-бет” повести боюнча алган билимин бышыкташат, сөз байлыгын өнүктүрүшөт, мекенди сүйүүгө, гумандуулукка, патриоттуулукка тарбияланышат.

Сабактын тиби: Бышыктоо сабагы

Контекст: жеке, улуттук, глобалдык

Баалоо: формативдик, суммативдик

Сабактын жүрүшү:

Алтын эрежени эскертүү. Класстын санын тактоо.

Класста жагымдуу маанай түзүү. Топторго бөлүү.

“Автордук отургуч” оюнун ойноо

Каалаган бир окуучу атайын жасалгаланган отургучка отуруп, Чынгыз Айтматовдун ролунда болот. Класс ага “Бетме-бет”повести боюнча кызыккан суроолорун берип окуучунун повестке жана авторго тиешелүү маалыматтарды канчалык деңгээлде билерин текшеришет.

1Е. Шыктандыруу. Флиппити аркылуу окуучуларды топко бөлүү.

1.Изилдөөчү топ

2. Из кубарлар
3. Сөз издөөчүлөр
4. Байланыштыргыч топ
5. Кооздоочу топ
6. Докладчы топ

https://docs.google.com/spreadsheets/d/1eOji0-77rNqhawmuL-AI3JHopkU041EEAduj6QG_wGc/edit?usp=sharing

Окуучуларга слайддан төмөнкү суроолорду берүү:

Эмне үчүн 1941-жылы Улуу Ата Мекендик согуш башталган? Эмнеге «Бетме-бет» повестин окушубуз керек?Маалымат силер үчүн абдан кызык болду? Бул повесттен эмне деген сабак алышыбыз керек?

2Е. Изилдөө. 1941-1945-жылдардагы Улуу Ата Мекендик согуштун келип чыгыш себебин изилдөө үчүн окуучуларга төмөнкүлөр берилет: ак барак, тарых китеби, маркер, Чолпонбай Түлөбердиев, Дүйшөнкул Шопоков, Дайыр Асановдун сүрөтү берилет.

5 мүнөттүк эссе жазуу тапшырмасын аткарышат.

3Е. Түшүндүрүү. Биз өткөн сабакта сиздер менен улуу жазуучу Чынгыз Айтматовдун “Бетме-бет” повестинин сюжети менен таанышканбыз. Бул чыгарманын сюжетинен биз кандай таалим-тарбия ала алабыз? Автор бул чыгарма аркылуу бизге эмнени бергиси келген? Айтматовдун өмүрү-чыгармачылыгына байланыштуу кандай кызыктуу маалыматтарды таба алдык мына ушул маселелер боюнча сүйлөшмөкчүбүз.

4Е. Бышыктоо. “Алты шляпа” оюнун ойноо.

«Адабият айлампасы» оюнун ойноо:

1. Ысмайыл: ”Мен башка атам тааныбаган жер үчүн согушуп жанымды бергидей келесоо эмесмин”, — дейт. Ал туура айтып жатабы?
2. Бактылуу өлүм деп эмнени түшүнөсүңөр?
3. Сейде кандай аял, анын артыкчылыгын жана кемчилигин айтып бергиле?
4. Бексаат: ”Киши эл менен киши”, — дейт. Бул сөздүн маанисин түшүндүрүп бергиле?
5. “Бетме-бет” повестинин жазылып калышына кандай шарт себеп болгон экен?
6. Чыгармадагы оң жана терс каармандарды санап бергиле, себебин түшүндүргүлө?

«Пирамидалык окуя» оюнун ойноо:

• Пирамидалык окуя: 1-сап. 1 сөз.
• Окуянын каарманы. 2-сап. 2 сөз.
• Каарманды сыпаттаган сөздөр. 3-сап. 3 сөз.
• Окуянын болгон жери. 4-сап. 4 сөз.
• Окуянын чыгышына себеп болгон кырдаал. 5-сап. 5 сөз.
• Окуянын чыгышынын 1-себеби. 6-сап. 6 сөз.
• Окуянын чыгышынын 2-себеби. 7-сап. 7 сөз.
• Окуянын чечилишине эмне түрткү болду. 8-сап. 8 сөз.
• Окуянын чечилиши.

 5Е. Баалоо

Ар бир окуучуга 10 баллдык өзүн-өзү баалоо критерийи боюнча баалоо ишин жүргүзүшөт.

Окуучунун аты-жөнү:__________________

Рефлексия. “Мен бүгүн… Мен эртең…”