ЖЕЗКЕН АЙЫЛЫНДАГЫ МЕКТЕПТЕ БИР КЛАССТА ЭКИДЕН ОКУУЧУ ОКУЙТ

  • 11.01.2018
  • 0
ЖЕЗКЕН АЙЫЛЫНДАГЫ МЕКТЕПТЕ БИР КЛАССТА ЭКИДЕН ОКУУЧУ ОКУЙТ

Лейлек районунун Жезкен айылындагы мектепте айрым класстарда экиден гана окуучу билим алат. Бул тууралуу жергиликтүү тургундар билдиришти.

ЖЕЗКЕН АЙЫЛЫНДАГЫ МЕКТЕПТЕ БИР КЛАССТА ЭКИДЕН ОКУУЧУ ОКУЙТ

Маалыматка караганда, мектепте жалпы 70 окуучу бар. Алардын ичинен экөө 10-класстын, экөө 11-класстын окуучулары. Айрым класстарда окуучулардын саны 14кө жетет.

Учурда имаратта болгону төрт  класстык бөлмө бар. 7-8-9-класстын окуучулары сабакты бир класста өтүшөт. Алардын баарын бир эле мугалим окутат. Мисалы, алгач 7-класстан үй тапшырмасын сурап, андан кийин 8-класс, акырында 9-класстын окуучуларынын билимин текшерет. Муну менен бир мугалим бир эле саатта үч класстын окуучуларын окутат. Мектепте жалпысынан 10 мугалим эмгектенүүдө.

ЖЕЗКЕН АЙЫЛЫНДАГЫ МЕКТЕПТЕ БИР КЛАССТА ЭКИДЕН ОКУУЧУ ОКУЙТ

Ак-Суу айыл өкмөтүнүн маалыматына караганда, бул мектеп өзбек тилдүү мектеп. Жезкен айылы район борборунан 30 чакырым алыста жайгашкан. Имарат 2001-жылы ашар жолу менен курулган болчу. Учурда мектептин имараты кооптуу абалга келип, элеттиктер бийликтен жаңы имарат куруп берүү маселесин чечүүнү суранууда.

Бөлүшүү

Комментарийлер