ЖАҢЫ ДАЙЫНДООЛОР

 Жетекчиликке талапкер катары резервге өтүп, жогорку упай алган талапкерлердин алгачкылары «Мугалим» автоматташтырылган маалыматтык системасы аркылуу тандалып, билим берүү уюмдарына жетекчилик кызматка дайындалды.

Баткен шаардык билим берүү бөлүмүнүн маалыматына караганда, Кызыл-Жол жалпы билим берүү мектебине Жусупова Зуура Абдырахмановна; “Акжолтой” Баткен мектепке чейинки билим берүү уюмуна Калыкова Мактым Мамасалыевна 5 жылдык мөөнөткө жетекчилик кызматка дайындалды.

Белгилей кетсек Кыргыз Республикасынын Агартуу министрлиги тарабынан билим берүү уюмдарынын жетекчилерин дайындоо автоматташтырылган маалыматтык системасы аркылуу тандоого өткөрүлгөн.

Г.А., “КБ”