ӨЗБЕКСТАНДЫК ИЛИМПОЗДОР ОШТУДА КВАЛИФИКАЦИЯСЫН ЖОГОРУЛАТАТ

Ош технологиялык университетине эки тараптуу эл аралык кызматташуу келишимдердин алкагында Өзбекстан Республикасындагы Андижан мамлекеттик техникалык университети менен Андижан экономика жана педагогика университетинин окутуучулары келишти.

Кошуна өлкөдөн келген окутуучулар — транспорт логистикасы, курулуш инженериясы, механика, экономика, архитектура, педагогика багыттары боюнча 144 академиялык сааттык квалификацияны жогорулатуучу курстан өтүшөт. Аларды Ош технологиялык университетинин тажрыйбалуу алдыңкы окумуштуулары окутат.

ОшТУнун басма сөз кызматы.