USTAT – МУГАЛИМДИН КЕСИПТИК ӨНҮГҮҮСҮНҮН САНАРИПТИК АЯНТЧАСЫ

26.06.2026
0

Санариптик билим берүү – учурдун талабы жана келечектин багыты

Бүгүнкү күндө дүйнө жүзүндө билим берүү системасы санариптик технологиялардын таасири астында жаңы баскычка көтөрүлүүдө. Онлайн окутуу, жасалма интеллект, электрондук билим берүү ресурстары жана санариптик платформалар билим алуунун жаңы мүмкүнчүлүктөрүн жаратып, окутуунун сапатын жогорулатууга өбөлгө болууда. Кыргыз Республикасы дагы бул процесстен четте калбастан, билим берүү тармагын модернизациялоо жана санариптик трансформациялоо багытында ырааттуу иштерди жүргүзүп келет.Кыргыз Республикасынын Агартуу министрлигине караштуу Педагогикалык кызматкерлердин квалификациясын жогорулатуу жана кайра даярдоо республикалык институту өлкөдөгү педагогдордун кесиптик өнүгүүсүн камсыз кылган негизги илимий-методикалык борбор болуп саналат. Институт билим берүү тармагындагы реформаларды ишке ашырууга, мугалимдердин кесиптик чеберчилигин жогорулатууга жана заманбап билим берүү технологияларын жайылтууга багытталган бир катар маанилүү долбоорлорду ишке ашырып келет. Институттун башкы директору, педагогика илимдеринин кандидаты Алмазбек Даткабекович Токтомаметовдун жетекчилиги астында квалификацияны жогорулатуу системасын жаңылоо жана санариптик форматка өткөрүү боюнча олуттуу иштер жүргүзүлүүдө. Ошол иштердин эң маанилүү жыйынтыктарынын бири болуп бүгүнкү күндө миңдеген педагогдор пайдаланып жаткан USTAT билим берүү порталы
эсептелет.

Санариптик технологиялар борбору – инновациялардын өзөгү

Институттун курамындагы Санариптик технологиялар борбору билим берүү тармагындагы санариптик долбоорлорду иштеп чыгуу жана өнүктүрүү боюнча негизги түзүм болуп саналат. Борбордун ишмердүүлүгү квалификацияны жогорулатуу процессин автоматташтырууга, билим берүү кызматтарын жеткиликтүү кылууга жана мугалимдер үчүн заманбап билим берүү чөйрөсүн түзүүгө багытталган.

Санариптик технологиялар борборунун директору Жибек Бектенованын жетекчилиги алдында USTAT порталынын техникалык жана мазмундук өнүгүүсү камсыздалып келет. Борбордун адистери платформанын туруктуу иштешин камсыздоо менен бирге жаңы окуу курстарын жайгаштыруу, колдонуучуларга техникалык колдоо көрсөтүү, окуу материалдарын санариптик форматка өткөрүү жана маалыматтык системаларды өнүктүрүү боюнча тынымсыз иш алып барышат.

Бүгүнкү күндө USTAT порталы мугалимдер үчүн гана эмес, жалпы квалификацияны жогорулатуу системасы үчүн стратегиялык мааниге ээ болгон улуттук билим берүү платформасына айланды.

USTAT порталы
кандай максатта түзүлгөн?

Мугалимдердин квалификациясын жогорулатуу курстары көп жылдар бою салттуу форматта жүргүзүлүп келген. Педагогдор окууга катышуу үчүн борборлорго келип, бир нече күн же жума убакыт бөлүүгө аргасыз болушчу. Бул өзгөчө алыскы аймактардагы мугалимдер үчүн бир топ кыйынчылыктарды жаратып келген.

Ушул көйгөйлөрдү чечүү максатында USTAT билим берүү порталы түзүлдү.

Порталдын негизги максаттары:

квалификацияны жогорулатуу кызматтарын жеткиликтүү кылуу;
мугалимдер үчүн үзгүлтүксүз билим алуу мүмкүнчүлүгүн түзүү;
окутуу процессин автоматташтыруу;
билим берүү ресурстарын бирдиктүү платформага топтоо;
мугалимдердин санариптик компетенттүүлүгүн өнүктүрүү;
билим берүүнүн сапатын жогорулатуу.

USTAT порталынын ишке кириши менен педагогдор үчүн билим алуунун жаңы форматы түзүлдү.

Санариптик статистика – ийгиликтин көрсөткүчү

USTAT платформасынын көрсөткүчтөрү анын өлкө педагогдору тарабынан кеңири колдонулуп жатканын далилдейт.

Бүгүнкү күндө:

68 окуу курсу жайгаштырылган;

26 019 колдонуучу катталган;

35 000ден ашуун көрүү катталган;

7 424 педагог сертификат алган.

Бул көрсөткүчтөр платформага болгон ишенимдин жана кызыгуунун жылдан-жылга өсүп жатканын көрсөтөт.

Автоматтык сертификат берүү системасы USTAT порталындагы эң маанилүү жаңылыктардын бири – сертификаттарды автоматтык түрдө берүү механизми.

Курсту толук аяктап, тестирлөөдөн ийгиликтүү өткөн педагогдун сертификаты автоматтык түрдө түзүлөт.

Бул система:

документ даярдоону тездетет;
адам факторун азайтат;
маалыматтардын тактыгын камсыз кылат;
сертификаттардын аныктыгын жогорулатат;
убакытты үнөмдөйт.

Мугалим сертификатты өзүнүн жеке кабинетинен каалаган убакта жүктөп ала алат.

Үйдөн чыкпай эле билим алуу мүмкүнчүлүгү

USTAT платформасынын эң чоң артыкчылыгы – мугалимдер квалификацияны жогорулатуу курстарынан институтка келбей эле өтө алышат.

Мисалы, Баткендин Лейлек районундагы же Нарындын тоолуу айылындагы мугалим Бишкек шаарына келбей туруп эле курска катыша алат. Ал үчүн интернетке туташкан компьютер, ноутбук же смартфон жетиштүү.

Мугалим төмөнкү мүмкүнчүлүктөрдү колдонот:

онлайн катталат;
жеке кабинет ачат;
керектүү курска жазылат;
видео сабактарды көрөт;
презентацияларды жана методикалык материалдарды окуйт;
практикалык тапшырмаларды аткарат;
тесттерден өтөт;
жыйынтыктоочу баалоого катышат;
сертификатын электрондук түрдө алат.

Мунун баары аралыктан жүргүзүлөт.

Мугалимдер жол киреге, жатаканага же кошумча чыгымдарга каражат коротпойт. Эң башкысы – окуу процессине катышуу үчүн сабактарын үзгүлтүккө учуратууга муктаж эмес.

Билим берүүнүн келечегине багытталган долбоор

Бүгүнкү күндө USTAT порталы жөн гана онлайн окуу платформасы эмес. Ал билим берүү тармагындагы санариптик өзгөрүүлөрдүн символуна айланды.

Портал аркылуу мугалимдер жаңы билимдерди өздөштүрүп, заманбап методикаларды үйрөнүп, кесиптик чеберчилигин жогорулатууда. Бул өз кезегинде билим берүүнүн сапатын жогорулатууга түздөн-түз таасирин тийгизет.

Алдыдагы мезгилде платформаны жаңы курстар менен толуктоо, жасалма интеллект технологияларын киргизүү, аналитикалык инструменттерди өнүктүрүү жана колдонуучулар үчүн жаңы мүмкүнчүлүктөрдү түзүү пландалууда.

Кыргыз Республикасынын Агартуу министрлигине караштуу Педагогикалык кызматкерлердин квалификациясын жогорулатуу жана кайра даярдоо республикалык институту тарабынан жүргүзүлүп жаткан USTAT билим берүү порталы бүгүнкү күндө мугалимдердин кесиптик өнүгүүсүнүн ишенимдүү санариптик өнөктөшүнө айланды.

Институттун башкы директору А.Д. Токтомаметовдун жетекчилиги жана Санариптик технологиялар борборунун директору Жибек Бектенованын координациясы менен ишке ашырылып жаткан бул долбоор өлкөнүн билим берүү системасын өнүктүрүүгө чоң салым кошуп келет.

USTAT – бул ар бир мугалим үчүн жеткиликтүү билим, үзгүлтүксүз өнүгүү жана кесиптик өсүүгө жол ачкан заманбап санариптик аянтча.

USTAT билим берүү порталы: ustat.ripk.kg.

Порталдагы окуу курстары

Бүгүнкү күндө USTAT порталында билим берүүнүн актуалдуу багыттарын камтыган 68 окуу курсу жайгаштырылган.

Алардын ичинде: