«ТЕМИР КАНАТ» АНСАМБЛИ ЭЛ АРАЛЫК СЫНАКТА 1-ОРУНДУ ЭЭЛЕДИ

2026-жылдын 25–30-июнь күндөрү Ысык-Көл облусунун Чолпон-Ата шаарында дүйнө элдеринин маданиятына арналган «Дүйнө жаңырыгы» эл аралык сынагы өткөрүлдү.
Эл аралык деңгээлдеги иш-чара улуттук маданий мурастарды сактоо жана жайылтуу, искусствону өнүктүрүү, ошондой эле өлкөлөр ортосундагы маданий кызматташтыкты чыңдоону максат кылды.Сынакка Бишкек шаарынын мэриясынын Маданият башкармалыгына караштуу №1 Балдар искусство мектебинин «Темир канат» комузчулар ансамбли ийгиликтүү катышып, жогорку аткаруучулук чеберчилиги менен айырмаланды. Калыстар тобунун чечими менен ансамбль I орунга татыктуу деп табылды.Бул ийгилик жаш комузчулардын үзүрлүү эмгегинин, устаттарынын кесипкөйлүгүнүн жана кыргыз улуттук музыкалык өнөрүнүн салттарын татыктуу улантып келе жаткандыгынын айкын далили болуп саналат.

Кенжебек кызы Асел, «Кут Билим»