САСЫК ТУМОО: АКЫСЫЗ ЭМДӨӨ АЛЫҢЫЗ

Учурда республиканын бардык аймактарында сасык тумоого каршы профилактикалык эмдөө жигердүү жүргүзүлүүдө.

Адистердин сунушу боюнча, биринчи кезекте тобокелдик тобуна кирген төмөнкү жарандарга эмдөө алуу сунушталат:

• Өнөкөт оорулары бар адамдарга;

• 65 жаштан жогорку курактагыларга;

• Кош бойлуу аялдарга;

• Тез-тез ооруп турган балдарга;

• Медицина кызматкерлерине.

Тобокелдик тобундагы жарандар эмдөөнү жашаган жери боюнча Үй-бүлөлүк медицина борборлорунан (ҮМБ) акысыз ала алышат.

ҮМБларда атайын колл-борборлор иштеп баштады

Курч респиратордук вирустук инфекциялардын (КРВИ) алгачкы белгилери байкалганда балдарга өз убагында жардам көрсөтүү максатында Үй-бүлөлүк медицина борборлорунда атайын колл-борборлор уюштурулду.

Ата-энелер колл-борборлорго телефон аркылуу кайрылып, аралыктан баштапкы консультацияларды ала алышат жана ооруканага жаткыруу зарылдыгын аныктоо боюнча медициналык адистердин кеңешин уга алышат.

А.К., «КБ»