СҮЛҮКТҮ: ӨЗГӨЧӨ МУКТАЖДЫГЫ БАР БАЛДАР ҮЧҮН БОРБОР АЧЫЛДЫ

Сүлүктү шаарында өзгөчө муктаждыгы бар балдарды өнүктүрүүгө багытталган «Этно Плюс» реабилитациялык борбору ишин баштады.

Муниципалитеттин маалыматына ылайык, жаңы ачылган борбордо логопед жана дефектологдун кызматы, ABA-терапия, логомассаж, сенсордук интеграция, дарылоочу дене тарбиясы жана мектепке даярдоо боюнча кызматтар көрсөтүлөт. Аталган кызматтар 2 жаштан жогорку балдар үчүн толук жеткиликтүү.

Бул маанилүү долбоор Эмгек, социалдык камсыздоо жана миграция министрлигинин колдоосу жана жергиликтүү өнөктөштөрдүн катышуусу менен ишке ашырылды. Борбордун негизги максаты – өзгөчө муктаждыгы бар балдардын ар тараптан өнүгүүсүнө ыңгайлуу шарт түзүп, алардын үй-бүлөлөрүнө колдоо көрсөтүү болуп саналат.

А.К., «КБ»