“РУССКИЙ ЯЗЫК И ЧТЕНИЕ. АЗБУКА” ОКУУ-МЕТОДИКАЛЫК КОМПЛЕКСИ БАСЫЛЫП ЧЫКТЫ

Окутуу орус тилинде жүргүзүлгөн жалпы билим берүү уюмдары үчүн М.В. Бойкинанын “Русский язык и чтение. Азбука” окуу-методикалык комплекси 134 миң 130 нускада басылып чыкты.

Бул окуу китебинин 1-2-бөлүгү – 66 000 нускадан, мугалимдер үчүн методикалык колдонмо – 2 130 нускада жарыкка чыкты.

Китептер “Учкун” ААКнын басмаканасында даярдалып, республикалык бюджеттен каржыланды. Басылып чыккан китептер бүгүндөн тартып бардык билим берүү бөлүмдөрүнө жеткирилет.

Буга чейин 2024-жылы республикалык бюджеттен өлкөнүн билим берүү уюмдарын окуу китептери менен камсыздоого 152 000 600 сом каралганы айтылган. Бүгүнкү күндө бул каражаттын дээрлик 95 пайызы өздөштүрүлгөн.

Эльвира Какиева, «Кут Билим»