РЕСПУБЛИКАЛЫК ОЛИМПИАДА: II РАЙОНДУК ЭТАП ҮЧҮН ТАЛАПТАР
- 16.01.2023
- 0
Кыргыз Республикасынын жалпы билим берүү уюмдарынын окуучулары үчүн республикалык олимпиаданын райондук этабы 10 мектеп предмети боюнча өткөрүлөт: биология, география, информатика, тарых, математика, кыргыз тили жана адабияты, орус тили жана адабияты, англис тили, физика жана химия.
Олимпиаданын бардык этаптар үчүн тапшырмалар мамлекеттик билим берүү стандартынын жана мектеп программасынын талаптарына ылайык түзүлөт. Олимпиаданын тапшырмаларынын мазмуну кадимки сабакта берилген суроолордон айырмаланышы мүмкүн. Мисалы, окуу программасынан тышкары татаал мазмун. Олимпиаданын катышуучулары мыкты билимин, ой жүгүртүүсүнүн тереңдигин жана акылгөйлүгүн (эрудиция) көрсөтүшү керек.
| Предмет | Биринчи тур: 1-күн | Экинчи тур: 2-күн |
| Биология | Изилдөө туру Узактыгы 3 сааттан ашпайт. | Теориялык тур Узактыгы 4 сааттан ашпайт.
Теориялык турдун топтому эки бөлүктөн турат.
А бөлүгү бир эле туура жообу бар суроолорду камтыйт.
Б бөлүгү кыска жоопту талап кылган суроолордон турат. |
| География | Практикалык 3 саат | Теориялык 3 саат Теориялык турдун топтому эки бөлүктөн турат.
А бөлүгү. Жабык типтеги тест тапшырмаларын камтыйт.
Б бөлүгү. Ачык типтеги тапшырмаларды камтыйт.
|
| Информатика | 3 саат | 3 саат |
| Тарых | Практикалык 3 саат | Теориялык 3 саат |
| Кыргыз тили жана адабияты | 2 саат | 3 саат |
| Математика | 3 саат | 4 саат |
| Орус тили жана адабияты | 2 саат Орус тили боюнча тапшырмалар | 3 саат Адабият боюнча тапшырмалар. |
| Физика | Изилдөө
Тапшырманы аткарууга тыныгуусуз 4 саат убакыт берилет. | Теориялык Тапшырманы аткарууга тыныгуусуз 4 саат убакыт берилет. |
| Химия | Практикалык 2 саат | Теориялык 3 саат |
| Англис тили | Оозеки айтуу жана суроолорго жооп берүү. | Угуу, лексика-грамматикалык тест жана окуу. |
Республикалык олимпиада боюнча суроолорго ыкчам байланыш телефону — 0701744803 (WhatsApp)
Комментарийлер