ПРЕЗИДЕНТ ЖАПАРОВ ЛЕЙЛЕК РАЙОНУНДАГЫ ЖАҢЫ МЕКТЕПТИН ПАЙДУБАЛЫНА КАПСУЛА САЛДЫ

  • 27.05.2021
  • 0
ПРЕЗИДЕНТ ЖАПАРОВ ЛЕЙЛЕК РАЙОНУНДАГЫ ЖАҢЫ МЕКТЕПТИН ПАЙДУБАЛЫНА КАПСУЛА САЛДЫ

Президент Садыр Жапаров бүгүн, 27-майда, Баткен облусунун Лейлек районундагы Борбордук айылында мектептин жаңы имаратынын пайдубалына капсула салды.

Долбоорго ылайык, 2 кабаттуу мектептин имараты 225 окуучуга ылайыкталган.

ПРЕЗИДЕНТ ЖАПАРОВ ЛЕЙЛЕК РАЙОНУНДАГЫ ЖАҢЫ МЕКТЕПТИН ПАЙДУБАЛЫНА КАПСУЛА САЛДЫ

Садыр Жапаров бул билим берүү жайынан келечекте өлкөнүн өнүгүшүнө салым кошо турган чыныгы кесипкөй адистер тарбияланып чыксын деп тилек кылды.

Президент ошондой эле Лейлек районундагы «Жаңы-Жер» чек ара тозотунда болду.

Мамлекет башчысы аскер кызматкерлери менен жолугушууда өлкөнүн чек арачылары менен укук коргоо органдарынын даярдыгынын, бийик моралдык духунун жана баатырдык аракеттеринин аркасында өлкөнүн аймактык бүтүндүгү сакталып калгандыгын белгиледи.

ПРЕЗИДЕНТ ЖАПАРОВ ЛЕЙЛЕК РАЙОНУНДАГЫ ЖАҢЫ МЕКТЕПТИН ПАЙДУБАЛЫНА КАПСУЛА САЛДЫ

Президент Садыр Жапаров өлкөнүн коргонуу жөндөмүн мындан ары жакшыртуунун жана мамлекеттик чек аралардын коопсуздугун чыңдоонун маанилүүлүгүнө токтолду.

Мамлекет башчысы Борбордук жана Достук айылдарынын тургундары менен баарлашты. Жергиликтүү эл кызыккан суроолоруна жооп алышты.

Президент жакынкы мезгилде Баткен облусуна аймакты социалдык-экономикалык жактан өнүктүрүү максатында өзгөчө статус берилерин баса белгиледи. Бул статустун алкагында облуска бир катар жеңилдиктер берилет, анын ичинде салыктык жана инвестициялык өзгөчө режим киргизүү пландаштырылууда.

ПРЕЗИДЕНТ ЖАПАРОВ ЛЕЙЛЕК РАЙОНУНДАГЫ ЖАҢЫ МЕКТЕПТИН ПАЙДУБАЛЫНА КАПСУЛА САЛДЫ

«Туруктуулукту жана коопсуздукту камсыз кылуу, ошондой эле калктуу конуштардын социалдык-экономикалык инфраструктурасын жакшыртуу, жумушсуздуктун деңгээлин азайтуу, жергиликтүү тургундарды жумуш менен камсыз кылуу жана башка көптөгөн маселелерди чечүү үчүн Баткен облусун мындан ары комплекстүү өнүктүрүүдө зарыл болгон бардык нерселерди жасап жатабыз жана мындан ары да жасайбыз», — деп баса белгиледи Садыр Жапаров.

Бөлүшүү

Комментарийлер