ОШТУНУН ИЛИМПОЗ АЙЫМДАРЫ

Интеллектуалдык менчиктин бүткүл дүйнөлүк уюму “Аялдар жана интеллектуалдык менчик — инновациялардын жана чыгармачылыктын катализатору” демилгесине ылайык Кыргыз Республикасынын интеллектуалдык менчик жана инновациялар мамлекеттик агенттиги тарабынан “Илимде, ойлоп табуучулукта жана инновацияда аялдардын образы” аттуу жыл сайын өткөрүлүүчү конкурсунда үч номинация боюнча ОшТУнун профессордук-окутуучулук курамы жана студенттери жеңүүчү болуп аныкталды.

Университеттин ректору илимде ийгиликке жетишкен айымдар жана студенттер жамаатын жеке кабыл алып, алардын илим жолдоруна ийгиликтерди каалады. Университеттин жалпы жамаатынын жана жеке өзүнүн атынан ыраазычылык билдирилип, баалуу белектерди тапшырды.