ОШТУ РЕСПУБЛИКАЛЫК СПАРТАКИАДАГА КАТЫШАТ

Чолпон-Ата шаарында билим берүү кызматкерлеринин ортосунда өтүүчү “Ден соолук-2023” республикалык спартакиадасына катыша турган ОшТУнун профессордук-окутуучулук курамына атайын спорттук форма тапшырылды.

ОшТУнун ректору Ж.Турсунбаевдин демилгеси менен окуу жайдын курама командасынын ар бир мүчөсүнө ылайыкташтырып атайын спорттук форма тиктирилди. Катышуучулардын жол кире акысы профсоюз уюму тарабынан төлөнүп берилди.

Белгилей кетсек, 20-июндан 27-июнга чейин Чолпон-Ата шаарында өтүүчү спартакиадага өлкөбүздүн бардык аймактарынан билим берүү кызматкерлери катышат.