ОШМУНУН КЛИНИКАСЫНДА ЭКИНЧИ ОПЕРАЦИЯ ЖАСАЛДЫ

ОшМУнун медициналык клиникасында биринчи жолу бейтапка лапароскопиялык холецистэктомия дартына операция жасалды.

Бул операцияга лапароскопиялык жабдыктарды жасаган дүйнөлүк алдыңкы компаниялардын бири KARL STORZ (Германия) компаниясынын 2022-жылы чыгарылган универсалдуу 4-1 лапароскоп медициналык аппараты колдонулду.

• Бул жабдыктын камерасы так, даана көрсөтөт. Бул универсалдуу жабдыктын жардамында абдоминалдык хирургия, гинекология, кулак-мурун, боор жана урология багыттарында да операция жасоого болот, -деди врач-хирург, онколог Жанек Белеков.

Буга чейин ОшМУнун медициналык клиникасында алгачкы жолу ашказандын оор дартына операция жасалган.

Айгерим Токтобаева, «КУТ БИЛИМ»