МЕКТЕПКЕ ЧЕЙИНКИ БИЛИМ БЕРҮҮНҮ ӨНҮКТҮРҮҮ ҮЧҮН КҮЧТӨРДҮ БИРИКТИРҮҮ

9-10-февралда Кыргыз Республикасынын Билим берүү жана илим министрлиги менен ЮНИСЕФтин Кыргыз Республикасындагы өкүлчүлүгү мектепке чейинки билим берүү тармагын өнүктүрүү боюнча тегерек стол өткөрүүдө.

Кыргыз Республикасынын Балдар укугу боюнча ыйгарым укуктуу өкүлү Асел Чынбаева, Саламаттык сактоо министрлигинин, Мамлекеттик-жеке өнөктөштүк борборунун, Архитектура, курулуш жана турак жай-коммуналдык чарба мамлекеттик агенттигинин өкүлдөрү, педагогдор жана эксперттер мектепке чейинки билим берүүнүн жеткиликтүүлүгүн, камтууну көбөйтүүнү, окуу-тарбиялык материалдардын сапатын, коопсуз чөйрөнү камсыздоону, МЖӨ долбоорлорун ишке ашырууну, каржылоонун натыйжалуулугун, ата-энелерди окутууну жана билим берүүнү лицензиялоо системасын реформалоону талкуулашат.