МАТЕМАТИКА — БАРДЫК ИЛИМДЕРДИН ПАЙДУБАЛЫ

Талас облусунун Манас районуна караштуу Цыренин  орто  мектебинде  «Математика — бардык илимдердин пайдубалы» аттуу математика сабагынын мугалимдеринин облустук семинары өтүлдү.

Семинардын башкы максаты — логикалык ой жүгүртүүнү өнүктүрүү, эсептөөлөрдү жүргүзүү, мыйзам ченемдүүлүктөрдү табуу жана  аларды жашоодо, илимде, технологияда колдоно билүү.

— Облус аймагындагы педагогдордун тажрыйба алмашуу семинарлары байма-бай өз убагында өтүлөт. Манас райондук билим берүү бөлүмүнө жана  Цыренин  орто мектебинин жалпы жамаатына терең ыраазычылык билдиребиз.  Бул да  болсо мугалимдердин кесиптик чеберчилигин жогорулатууда чоң өбөлгө түзөт, — дейт Талас билим берүү усулдук борборунун  усулчусу Чолпон Кермалиева.

Гүлнара АЛЫБАЕВА, “Кут Билим”