КЫРГЫЗ-ЯПОН КЫЗМАТТАШТЫГЫ

21-сентябрда билим берүү жана илим министринин орун басары Муратбек Касымалиев, япониялык Шинко Кейринкан компаниясынын жетекчилери Тошики Окамура жана Масаказу Сато, “Окуу китеби” басма үйүнүн өкүлдөрү Воронцовка айылындагы мектеп-интернатка барып келишти. Алар мектептин инфраструктурасы жана ишинин абалы менен жакындан таанышты.

Жолугушууда коноктор окуу жайдын имаратын, аймагын жана жатаканасын кыдырып, мектепте болуп жаткан көйгөйлөр тууралуу маалымат алышты.

Бул иш-чаранын максаты — Кыргыз Республикасынын жети аймагындагы интернаттарды өнүктүрүүгө багытталган.