КУУНУН РЕКТОРУ 1-КУРСТУН СТУДЕНТТЕРИНИН КӨЙГӨЙҮН УКТУ
- 06.02.2020
- 0
Ж.Баласагын атындагы Кыргыз улуттук университетинин ректору Канат Садыков 5-февралда 1-курстун студенттери менен жолугушуп, окуу жайдын азыркы абалы боюнча ой бөлүшүп, студенттердин бар катар көйгөйлөрү менен сунуштарын укту.
Иш-чарада алгач ректор университеттин тарыхы, азыркы абалы жана келечеги жөнүндө кыскача маалымат берди. Андан соң студенттердин тынчын алган түрдүү суроолоруна жооп берди.
Студенттер сабактан бош учурда отура турган скамейкалардын тартыштыгы, ашкана менен дааратканадан чыккан жыт, иш-чараларга даярдануу үчүн кабинет, жатаканадагы оңдоп-түзөө иштери сыяктуу бир катар тынчын алган суроолорду берүү менен, кызыктуу сунуштарын да айтышты. Мисалы, Улуттук университет болгондон кийин, иш-чаралар кыргыз тилинде болсо, окуу жайдын өнүгүшүнө студенттер өз салымын кантип кошо алат деген сыкятуу сунуштар айтылды.
Соңунда Канат Садыков иш-чарага активдүү катышкандыгы үчүн 1-курстун студенттерине ыраазычылык билдирип, берилген суроолор боюнча чаралар көрүлүп, айтылган сунуштар эске алынаарын белгиледи.
Комментарийлер