КОЛЛЕДЖДИН ОКУТУУЧУЛАРЫ САНАРИПТИК АСПАПТЫРДЫ КОЛДОНУУНУ ӨЗДӨШТҮРҮП ЖАТЫШАТ

22-майда Билим берүү жана илим министрлигинин «Секторду өнүктүрүү программасы: Инклюзивдүү өсүү үчүн көндүмдөр» долбоорунун алкагында Алдыңкы тажрыйба борборлорунун жыйырмадан ашык окутуучулары окутуунун санариптик аспаптары тууралуу тренинде окуп жатышат.

«Билим берүүдөгү технологиялар: заманбап инструменттер жана усулдар» темасындагы тренинг катышуучуларды Learning Apps, Quiz-let, Cahoot, Google Classroom, Google Site тиркемелерин, интерактивдүү такта жана жасалма интеллекттин негизги функцияларын үйрөтүп, окутууда колдонуусуна багытталган.

Тренингде Алдыңкы тажрыйба борборлорунун бири Ош индустриалдык-педагогикалык колледжинин окутуучусу Самар Мамаев окутуп жатат.

Айта кетсек, «Секторду өнүктүрүү программасы: Инклюзивдүү өсүү үчүн көндүмдөр» долбоорунун алкагында 8 колледждин базасында Алдыңкы тажрыйба борборлор түзүлүп, алардын окутуучулары аймагындагы колледждер жана кесиптик лицейлердин кызмакткерлерине семинар уюштурууда.