Кемин районунун Ильич айылына бала бакча куруу үчүн тендер жарыяланды

Чүй облусунун Кемин районуна караштуу Ильич айылында бала бакча куруу үчүн тендер жарыяланды. Бул тууралуу мамлекеттик сатып алуулар порталына жарыяланды.

Тендердин суммасы 122 млн 875 миң 181 сомду түзөт, конкурстук табыштамаларды берүүнүн акыркы мөөнөтү 1-сентябрга чейин.

Мамлекеттик сатып алуулар порталындагы маалыматка караганда, тендерди Архитектура, курулуш жана турак жай-коммуналдык чарба мамлекеттик агенттигине караштуу Турак жай-курулуш департаментинин Чүй облустук капиталдык курулуш башкармалыгы жарыялаган.