КАЙСЫ ОКУУ ЖАЙЫ АЛДЫДА? 

“Акипресс” маалымат агенттиги жүргүзгөн “Сиз Кыргызстандагы кайсы университетти эң мыкты деп эсептейсиз?” деген сурамжылоодо биринчи орунду Ош мамлекеттик университети, экинчини И.Арабаев атындагы КМУ, үчүнчү орунду Бишкек мамлекеттик университети алды.

Добуш берүү 13-майда башталып, бир айга созулду. Жалпысынан 24 513 добуш алынган. “Акипресстин” маалыматына таянсак, жасалма бурмаланган добуштар күнүнө бир нече жолу өчүрүлүп турган.

1524 добуш менен андан кийинки  4-орунду Борбор Азиядагы Америка университети ээледи. Бешинчиге Кыргыз мамлекеттик медициналык академиясы чыкса, алтынчы орунду Кыргыз-Түрк “Манас” университети камсыздады.

Жетинчи орунда Кыргыз улуттук университети, сегизинчиде Кыргыз мамлекеттик техникалык университет, тогузунчуда Кыргыз улуттук агрардык университети, онунчуда Кыргыз мамлекеттик курулуш, транспорт жана архитектура университети турат.