Арча-Бешик конушунда 180 орундуу бала бакчанын курулушу аяктап жатат
- 04.08.2023
- 0
Бишкек шаарынын Арча-Бешик конушунда 180 орундуу, 2 кабаттан турган бала бакчанын курулушу жүрүп жатат. Бул тууралуу Бишкек шаардык мэриясынын басма сөз кызматы билдирди.
Мекеменин маалыматына ылайык, мындан сырткары дагы Ленин районундагы №26 бала бакчанын кошумча имаратынын курулушу да жүрүп жатат. Мектепке чейинки билим берүү мекемеси 140 орунга ылайыкталган. Имарат эки кабаттуу, жер төлөсү жок.
«Имаратта кийим-кече, оюн бөлмөсү, кампа, уктоочу бөлмө, медициналык кабинет, тамак-аш сактоочу жай, кызматкерлер үчүн бөлмө, ашкана, изоляциялык бөлмө, тазалоочу шаймандарды сактоочу жай, спорт зал жана музыка бөлмөсү каралган»,- деп айтылат маалыматта.
Учурда 2-кабаттын кирпичтерин төшөө жана балдар аянтчаларын куруу иштери жүрүп жатат.
Бул иштер Бишкек шаарынын мэриясынын Капиталдык курулуш башкармалыгы аркылуу жүргүзүлүүдө.
Комментарийлер