ИНКЛЮЗИВДИК ЖАНА STEAM БИЛИМ БЕРҮҮНҮ ӨНҮКТҮРҮҮ

2024–2025-окуу жылында министрлик сапаттуу билим бардык балдарга, анын ичинде өзгөчө билим берүү муктаждыктары бар (ӨБМ) балдарга жеткиликтүү болуусу үчүн иштерди улантты. Эл аралык деңгээлде 650дөн ашуун мектеп инклюзивдик практика колдонууда, ал эми аймактарда ресурс борборлорунун тармагы өнүгүп жатат. 

Окутуунун ийкемдүү формалары киргизилүүдө: «Туңгуч» онлайн мектеби аркылуу аралыктан окутуу, баланын муктаждыктарына ылайыкташтырылган жеке жана үй-бүлөлүк окутуу түрлөрү. Окуу программалары жаңыланып, мугалимдер инклюзия боюнча атайын окутуудан өтүүдө.

Өзгөчө көңүл санарип чечимдерге бурулууда. 2024-жылы Кыргызстан «Өкмөттүк акселераторлор» программасына катышуучу болуп, анын алкагында ӨБМ балдарды колдоочу санарип платформа жана ата-энелерге, мугалимдерге, адистерге онлайн куралдар иштелип чыгууда. Бул санарип кызматтар 2025-жылдын аягына чейин 3 000ден ашуун балдарды камтуусу пландалууда.

2025-жылдын 27-майында Бишкекте Евробиримдик каржылаган Twinning жаңы долбоору «Инклюзивдик жана STEAM билим берүүнү өнүктүрүү» башталды. Долбоор Литва менен өнөктөштүктө ишке ашырылып, инклюзивдик чөйрөнү өнүктүрүү, окуу ыкмаларын модернизациялоо жана мектеп финансылык колдоосун жакшыртууга багытталган. Келерки эки жылда Литва эксперттери кыргыз мектептери менен кызматташып, мугалимдерди окутуп, инклюзиянын мыкты тажрыйбаларын жергиликтүү шартка ылайыкташтырышат.

Г.А., “КБ”