Дүйнө чемпионатында Айпери Медет кызы күмүш медаль жеңди

Сербияда өтүп жаткан Дүйнө чемпионатында Айпери Медет кызы күмүш медаль тагынды. Ал буга чейин төрт атаандашын жеңип финалга чыккан.

Кыргыз балбаны чемпионаттын финалында япониялык спортчу Юка Кагами менен кез келип, 8:0 эсебинде жеңилүү ызасын тартты. Алган жаракатынан улам кыргыз спортчусу беттешти аягына чейин уланта алган жок.

16-сентябрдан 24-сентябрга чейин Сербиянын Белград шаарында өтүп жаткан Дүйнө чемпионатында Медет кызы 76 кг чейинки салмак ченинде күч сынашып, 1/16 финалынан тарта катышты.