БИЗ КИТЕП ЖАРАТАБЫЗ!

  • 19.02.2020
  • 0
БИЗ КИТЕП ЖАРАТАБЫЗ!

Аксы районунун мектептеринин башталгыч класстарынын окуучулары өз колдору менен китеп жазып, жасалгалап жатышат. Ушул максатта окуучулар арасында “Биз китеп жаратабыз”, “Өзүбүз китеп жазып, жасайбыз” сынактары өтүүдө.

Бүгүн Аксы районундагы №39 С.Шатманов атындагы мектепте 4-класстын окуучулары “Өзүбүз китеп жазып, жасайбыз” сынагын өткөрүштү. Сынакта 4-“а” класс (мугалими Гүлнара Кадырбаева), Линский мектебинин 4-классынын окуучулары (мугалими Салтанат Жуматаева), №39 С.Шатманов атындагы мектептин 2-“а” классынын окуучулары (мугалими Айнагүл Туралиева) тарткан сүрөттөр, алар жасаган кол эмгектер көрүүчүлөрдүн көңүлүн өзүнө бурду. Сынактын жалпы жыйынтыгы 13-мартта чыгарылмакчы.

Белгилей кетсек, Аксы районундагы 21 мектеп ЮСАИДдин “Бирге окуйбуз” долбоорунун алкагында иштеп, жаш өспүрүмдөрдү китеп окууга, китепти сүйүүгө үндөгөн иш-чараларды байма-бай өткөрүп турушат.

А.Кашыбаева,
“Кут Билим”

Бөлүшүү

Комментарийлер