БИШКЕКТЕ РЕСПУБЛИКАЛЫК ОЛИМПИАДА БАШТАЛДЫ

Бишкекте мектеп окуучуларынын Республикалык олимпиадасынын акыркы этабы өтүп жатат. Мектеп окуучуларынын Республикалык олимпиадасында өлкөнүн бардык аймактарынан келген 318 окуучу катышууда.

Олимпиада төмөнкү жалпы билим берүүчү предметтер боюнча өткөрүлүүдө:

• окутуу кыргыз тилинде жүргүзүлгөн мектептер (класстар) үчүн кыргыз тили жана адабият,
• окутуу орус тилинде жүргүзүлгөн мектептер (класстар) үчүн кыргыз тили жана адабият,
• окутуу кыргыз тилинде жүргүзүлгөн мектептер (класстар) үчүн орус тили жана адабият,
• окутуу орус тилинде жүргүзүлгөн мектептер (класстар) үчүн орус тили жана адабият,
• англис тили,
• математика,
• информатика,
• физика,
• химия,
• биология,
• география,
• тарых.