БИР КОРПУСУ ӨРТТӨНҮП КЕТКЕН М. АБДЫЖАПАРОВ АТЫНДАГЫ МЕКТЕП БОЮНЧА ТҮШҮНДҮРМӨ

  • 17.11.2021
  • 0
БИР КОРПУСУ ӨРТТӨНҮП КЕТКЕН М. АБДЫЖАПАРОВ АТЫНДАГЫ МЕКТЕП БОЮНЧА ТҮШҮНДҮРМӨ

Тогуз-Торо райондук билим берүү бөлүмүнүн маалыматы боюнча, 2021-жылдын 16-ноябрынан 17-ноябрына караган түнү саат 12.00 чамасында М. Абдыжапаров атындагы орто мектептин кошумча корпусунун чатырынан өрт чыккан. Өрттүн натыйжасында имарат толук күйүп кеткен.

БИР КОРПУСУ ӨРТТӨНҮП КЕТКЕН М. АБДЫЖАПАРОВ АТЫНДАГЫ МЕКТЕП БОЮНЧА ТҮШҮНДҮРМӨ

Аталган мектеп 1972-жылы фин тибинде салынган. 2014-жылы Тогуз-Торо райондук өзгөчө кырдаалдар комиссиясы мектептин имаратынын техникалык абалын изилдеп чыгып, пайдаланууга жараксыз деген тыянак чыгарган.

2016-жылы жалпы сметалык баасы 43 млн сомду түзгөн 225 орундуу жаңы мектептин курулушу башталган. Буга чейин имараттын дубалдары тургузулуп, биринчи кабатынын терезелери коюлуп, ички шыбагы бүткөрүлгөн. Азыркы учурда мектептин чатыры жабылып жатат. Жалпысынан курулуш иштери 65 пайызга бүткөрүлгөн.

БИР КОРПУСУ ӨРТТӨНҮП КЕТКЕН М. АБДЫЖАПАРОВ АТЫНДАГЫ МЕКТЕП БОЮНЧА ТҮШҮНДҮРМӨ

Жаңы мектептин курулушу аяктай электигине байланыштуу, буга чейин окуу процесси эски мектептин эки корпусунда 1 нөөмөттө жүргүзүлүп келген. Түзүлгөн кырдаалга байланыштуу, мындан ары окутуу эски корпустардын биринде эки нөөмөттө улантылат, башкача айтканда, окуу процесси үзгүлтүккө учурабайт.

Бүгүнкү күндө бул мектепте 239 окуучу билим алып, 23 мугалим эмгектенип жатат.

Ушул тапта өрттүн чыгуу себептери иликтенүүдө.

КР БИМ басма сөз кызматы

 

 

Бөлүшүү

Комментарийлер