БАШТАЛГЫЧ КЕСИПТИК БИЛИМ БЕРҮҮ: БҮТҮРҮҮЧҮЛӨР АКЫРКЫ ЖЫЙЫНТЫКТООЧУ МАМЛЕКЕТТИК АТТЕСТАЦИЯНЫ ТАПШЫРУУДА

Бүгүн, 16-июнда башталгыч кесиптик билим берүү уюмдарында кыргыз тилинен (орус тилинде окуган класстарда) жана орус тилинен (кыргыз тилинде окуган класстарда) комплекстүү тест жазуу түрүндө жана тандалган предметтер боюнча жыйынтыктоочу мамлекеттик аттестация өтүп жатат.

Экзамендер быйыл экинчи жылы Башталгыч кесиптик билим берүү башкармалыгы тарабынан Zoom аркылуу он-лайн көзөмөлдөнүүдө.

Буга чейин бүтүрүүчүлөр эне тили жана адабияты (2-июнда), математика/алгебра (7-июнда), Кыргызстандын тарыхы (12-июнда) предметтери боюнча экзамен тапшырган.