БӨБӨКТӨР СУУСАМЫРДА ЭС АЛУУДА

Суусамыр жайлоосунда кыска мөөнөттүү «Жайлоо өнүгүү борбору» ачылды.

Үч сааттык кыска мөөнөттүү өнүгүү борборунун ачылышына “Роза Отунбаеванын демилгеси” эл аралык коомдук фондунун колдоосу жана Талас райондук мамлекеттик администрациясынын, Шумкар-Уя айыл өкмөтүнүн, Талас райондук, шаардык билим берүү бөлүмү колдоо көрсөттү. Ага негизинен ошол аймакта жашаган жана эс алып жүргөн бөбөктөр барат.

Салтанаттуу иш-чарага Талас райондук мамлекеттик администрация-башчысынын орун басары Венера Мамбеталиева катышып, балдар үчүн эс алуу менен өнүктүрүүнү айкалыштырууга чоң мүмкүнчүлүк түзүлүп жатканын баса белгиледи.

Кошумчалай кетсек, Суусамырдагы «Жайлоо өнүгүү борбору» 20-июлга чейин иштейт.

Айнагүл КАШЫБАЕВА,

“Кут Билим”