АРАВАНДАГЫ С.ШАРИПОВ МЕКТЕБИНЕ КОШУМЧА ИМАРАТ КУРУЛА БАШТАДЫ

Ош облусунун Араван районуна караштуу С.Юсупова айыл өкмөтүнүн аймагындагы С.Шарипов атындагы орто мектебине кошумча имаратты куруу иштери башталып, капсула салынды.

Маалыматка ылайык, капсула салуу аземине Араван районунун мамлекеттик администрациясынын башчысы-аким Сейтек Кулубаев, социалдык маселелер боюнча акимдин орун басары Музафар Мамасаидов, Араван райондук билим берүү бөлүмүнүн башчысы Шамил Артыков катышты.

Кошумча имарат 225 орунга ылайыкташтырылып, ата-энелер жана демөөрчүлөрдүн эсебинен 10 млн сом тегерегиндеги акча жумшады.

Мектеп директорунун айтымында, имараттын 1-кабаты 3 айдын ичинде курулуп бүтүп, пайдаланууга берилет.

Г.А., “КБ”