АРАБАЕВДИН 140 ЖЫЛДЫГЫНА АРНАЛДЫ

29-ноябрда Алма-Ата шаарында Ч.Валиханов атындагы Тарых жана этнология институтунда Ишенаалы Арабаевдин 140 жылдыгына карата эл аралык илимий конференция өттү.

Иш-чарага кыргыз-казак окумуштуулары, илимпоздору катышты. И.Арабаев атындагы КМУнун атынан “Арабаев таануу” илим изилдөө институтунун директору, тарых илимдеринин кандидаты Жумагул Байдилдеев, педагогика илимдеринин кандидаты Миргүл Эсенгулова жана тарых илимдеринин кандидаты Салтанат Асекова катышып, И.Арабаевдин басып өткөн жолу, ишмердүүлүгү тууралуу баяндамаларды жасашты.