“АЛТЫН ТАМГА” АРТЫКЧЫЛЫК АТТЕСТАТЫНА ОШ ОБЛУСУНАН 14 БҮТҮРҮҮЧҮ  ЭЭ БОЛДУ

13-июнда Ошто өткөн “Алтын тамга” артыкчылык аттестатынын тестирлөөсүндө Ош облусунан талапкер болгон 210 бүтүрүүчүнүн он төртү өз билимин тастыктай алды. Бул тууралуу Ош билим берүү институтунан кабарлашты.   

Артыкчылык аттестатын алуу үчүн аттанган бүтүрүүчүлөр Улуттук тестирлөө борбору тарабынан тесттен өтүштү. Өз билимин тастыктай алгандардын ону Ноокат районундагы Ноокат-билимканасынын бүтүрүүчүлөрү. Алар: Айчолпон Расул кызы, Кадича Муса кызы, Нуриза Өмүрзакова, Ильязбек Тилешбаев, Умарали Авазбек уулу, Альбина Сатыбалдиева, Нуриза Раимкулова, Сезимай Калмаматова, Айжамал Курбанбек кызы, Жаңылай Акимжан кызы. Калганы — А.Парпиев атындагы гимназиясынын окуучусу Айгул Байжигитова, М.Гапаров жатак гимназиясынан  Кеңешов Дастан, Кара-Суу районунан  Ш.Жумаев атындагы орто мектебинен Эркин Мамасалиев жана Кара-Суу районундагы В.ИЛенин атындагы орто мектебинин окуучусу Режапов Исмоилжон.