364 МЕКТЕПТЕ БАЛА БАКЧА АЧЫЛАТ

Мектептердин имараттарын натыйжалуу пайдалануу максатында учурда бир нөөмөттө иштеген 364 мектепте бала бакча ачуу керек. Бул тууралуу КР Министрлер Кабинетинин төрагасы А.Жапаров билдирди.

Ал балдарды мектепке чейинки билим берүү менен толук камсыздоо максатында жетишпей жаткан бала бакчалардын ордун мектептерде бала бакча ачуу менен толуктоого болорун белгилеп, бир нөөмөттө иштеп жаткан мектептердин баардыгына бала бакча тайпаларын ачып, тарбиячылардын айлыктарын жана тамак-аштарын жергиликтүү бийлик камсыздап бериши керектигин белгиледи.