192 МИҢГЕ ЖАКЫН БАЛАГА «БАЛА ЫРЫСЫ» ЖӨЛӨК ПУЛУ ДАЙЫНДАЛДЫ

Июль айынын жыйынтыгы менен «Бала ырысы» мамлекеттик жөлөк пулу өлкө боюнча 191 796 балага дайындалды. Бул тууралуу Эмгек, социалдык камсыздоо жана миграция министрлиги билдирди.

Министрликтин маалыматына караганда, 5-августта жөлөк пулдарды төлөп берүү үчүн 235,7 миллион сом каржыланды. Бөлүнгөн каражат алуучулардын эсептерине коммерциялык банктар аркылуу этап-этабы менен которула баштайт.

Эске салсак, 1-июлдан тартып Кыргызстанда төрөлгөндөн 3 жашка чейинки балдар үчүн ай сайын берилүүчү «Бала ырысы» жөлөк пулуна арыздарды кабыл алуу башталган.

А.К., «КБ»