1-ДЕКАБРГА ЧЕЙИН БОШ ВАКАНСИЯЛАР ЖАБЫЛАТ

КР Министрлер Кабинетинин башчысы Акылбек Жапаров ЖКдагы докладынан кийин актуалдуу суроолорго жооп берди.

Ал суроолордун бири учурда бош турган мектеп жана бала бакча директорлорунун орундары, алар үчүн уюштурулуп жаткан конкурстар, тест суроолорунун татаал болуп жатканы тууралуу болду.

— 1-декабрга чейин вакансиялардын баары жабылат. Бул маселеге кийинки жумадан толук киришебиз. Тесттик суроолор текши жеткиликтүү болгудай жана бош орундарга татыктуу талапкерлер келгидей шарт түзүү керек. Айрыкча бала бакча директорлорунун ордуна көз арткандар көп болуп жатканы тууралуу маалыматтар тарап жатат. Биз бош орундарга татыктууларды тандаганга бардык аракеттерди көрөбүз” – деди А.Жапаров.