МЕН ҚИРҒИЗИСТОН ФУҚАРОСИМАН!

30.08.2022
0

2022-2023 ўқув йили 1-сентябрь кунидаги 1-4 синфлар учун тарбиявий соати

Дарс мақсади:

Таълимий:

— ўқувчилар фуқаро, “Кыргыз жараны” тушунчасини таърифлайди,

Ривожлантирувчи:

— ўқувчилар жамиятдаги ҳуқуқ ва мажбуриятларни тушунтирадилар: оилада, мактабда,

Тарбиявий

— фуқаронинг жамиятдаги ҳуқуқ ва мажбуриятларини аниқлашади.

Керакли жиҳозлар: расмлар, плакат, фломастерлар

Дарснинг бориши

1- топшириқ. Гуруҳ бўлиб ишлаш. Ўқитувчи расмларни тарқатади.

Расмларга қаранг. Бу болалар Қирғизистоннинг турли ҳудудларида яшайди. Расмни танланг ва ушбу қаҳрамон ҳақида айтиб беринг: Унинг исми нима? У неча ёшда? У қаерда яшайди? У ким билан яшайди? У нима қилишни яхши кўради?

1 расм. Қиз 14 ёшда

2 расм. Бола 18 ёшда

3 расм. Қиз 8 ёшда

4 расм. Қиз 6 ёшда

5 расм. Бола 9 ёшда

Умумий гуруҳ муҳокамаси:

Сиз қаҳрамонингизга қандай ўхшашсиз?
Қаҳрамондан нимаси билан фарқ қиласиз?
Сизнингча, бу болаларнинг оилада, мактабда қандай ҳуқуқлари бор?
Бу болалар оилада, мактабда қандай вазифаларни бажарадилар?

Келинг, “Фуқаро” сўзи нимани англатишини билиб олайлик.

Қирғизистон фуқароси (Кыргыз жараны) – Қирғизистонда яшовчи, миллати, дини, қайси оилада туғилганлигидан қатъи назар, ҳимояда бўлган, ҳуқуқ ва мажбуриятларга эга бўлган шахс.

2 — топшириқ. Келинг, «Бола ҳуқуқлари тўғрисида» ги қонунни (ҚРнинг Бола ҳуқуқлари тўғрисидаги конвенцияси) ўқиб чиқамиз ва сизнинг қаҳрамонларингиз ҳаётида қандай ҳуқуқлар ҳурмат қилинишини билиб олайлик?

http://cbd.minjust.gov.kg/act/view/ru-ru/17444?cl=ru-ru Ўқитувчи болалар ҳуқуқлари тўғрисидаги Конвенциянинг Моддаларини ўқийди ва мисол сифатида қаҳрамонларни муҳокама қилади.

Конвенция Моддалари	Ўқитувчи саволи
1 модда «18 ёшга тўлмаган ҳар бир инсон» Бола ҳисобланади.	Расмлардаги қаҳрамонларимиздан қайси бири бола?
7 модда Бола исм олиш ҳуқуқига, шунингдек, ота-она ғамхўрлиги ҳуқуқига эга.	Қаҳрамонларингизнинг исмлари нима?
8 модда Бола бошқалардан фарқ қилиш ҳуқуқига эга (ўз шахсийлигини сақлаб қолиш учун), фуқаролик ҳуқуқига эга.	Расмлардаги болалар нимаси билан фарқ қилади? Улар қайси давлат фуқаролари ҳисобланади?
12 модда Бола ўзини қизиқтирган барча масалалар бўйича ўз нуқтаи назарини билдириш ҳуқуқига эга.	Болалар бирор нарсани ёқтирса ёки ёқтирмаса, ўз фикрларини билдира оладими?
16 модда Болани хафа қилишга ҳеч кимнинг ҳаққи йўқ	Агар кимдир сизни хафа қилса, кимдан ёрдам сўрайсиз?
18 модда Ота-оналар боланинг тарбияси ва ривожланиши учун жавобгардир.	Бола учун биринчи навбатда ким жавобгар?
24 модда Қонун боланинг соғлиғи ҳақида ғамхўрлик қилиш ҳуқуқини кафолатлайди.	Фарзандлари касал бўлса, ота-оналар қаерга мурожат қилишлари мумкин?
28 модда Ҳар бир бола мактабга бориш ҳуқуқига эга ва бу бурчидир	Расмлардаги қаҳрамонлардан қайси бири мактабга боради?
31 модда Бола дам олиш, ўйинларда қатнашиш, санъат билан шуғулланиш ҳуқуқига эга.	Қаҳрамонларингиз қандай спорт, санъат тури билан шуғулланади?
32 модда Бола соғлиғига, таълимига зарар етказадиган ишлардан ҳимояланиш ҳуқуқига эга.	Болалар қандай уй ишларини бажаришлари мумкин?

топшириқ. 4 гуруҳ бўлиб ишлаш. «Оила. Мен қила оламан…», “Оила. Мен мажбурман…”, “Мактаб. Мен қила оламан …», «Мактаб. Мен мажбурман …» деган плакатни яратинг.

Қуйидаги расмларда 1-топшириқдаги қаҳрамонлардан фойдаланинг. (Ўқитувчи расмларни тўлдириши мумкин)